شعر شعبي
قصيدة عفية گلب
عفية گلب چم جرح
ينزف بيك
جروحك من يداويها
صبر ماظل صبر
بالروح وروحي
من تصد وتجافيها
ضحيت وما بقى
شي بعد أضحيه
ودموعي الجرت
أسألها عن لياليها
تريدك ظلّت
هايمة الروح
ولصورتك
عيوني ترابيها
ضميرك
ما هزك فرد مرة
نايم دوم للتالي
ترى صعبة الضماير
من يصحيها
أشيل صورتك من گلبي
ومن عقلي
مكانك فارغ وبارد
وأظل وحدي
أحس بيها
روح الله لا ينطيك
بس جروح منك
مثل الملح
توگع عالجرح
يجرحها ويبچيها
أنساك
لا ما أنساك
گلتهم شلون أنسى
ليالي طوال مرَّن
حزنك ظل يسليها
عفية گلب
خلصت العمر
بس آهات
ونارك تسعر
ومنهو يطفيها
ومنهو يطفيها
بقلمي براق فيصل الحسني
ليست هناك تعليقات:
إرسال تعليق