أنا
أنا.
مش ملاك
من السما نازل
أنا انسان على
الأرض عايش
واحد من الكل
وفى ملكوته
تايه .حاير
طول عمرى ثاير
ما أنا أتولدت
حر.
معرفش
أماشى. وأساير
وأعمل شئ
يضر.
الحق عندى
سيف. قاطع
رقاب. الظلم.
والمبدأ عندى
قانون.
ماشى على الكل .
الكلمه عندي عهد
مابيع ضميرى لحد
ولاكنت فى يوم
عبد
الا لل خلقنى
لاشريك. ولا ند
صاين. كرامتى
عزيز النفس .
معنديش. نقص.
عينى. . مليانه
معرفش. الحقد
اتربيت. بالحلال
قريب. . من ربنا
الصدق منهجى
الكدب مش ملعبى
ولا فى يوم
ركبت موجه
ولا لبست مية وش.
واضح
مابعرفش. الغش
الخير جوايا اتزرع
والشر منى. اتنزع
مهما كان رد الفعل.
هادى. الطبع
متواضع
مابحبش. الكبر
ولا الظهور
ولاالمناصب
عايش طول عمرى
فى الضل.
بحب الحياه
بدون مشاكل
ولا باتخاصم
ولا باتشاكل
با اجى على نفسى
واتنازل
لجل الحياه تستمر.
قليل الكلام
باحب الوحده
والصمت.
مش حشرى
ولانمام ولا كشرى
عشرى
عمرى ....ما بوحت
بسر.
باحب البحروالزرع
باحب الجمال اكره
القبح
ربنا
معايا فى كل أمر
لكن ساعات. اشذ
تاخدنى. الدنيا
لحاجات تلذ
لكن بسرعه اعود.
استغفر. واتوب.
المال. يادوب
ماشيه. معايا
بالستر..
ربنا ماحرمنى
من نعمه. اداها
لحد.
عافانى من المرض
ادانى الولد والبنت.
والحمد لله
بقيت جد
بيني وبين الناس
الإحترام والود.
باحب كل الناس
ما بكرهش. حد.
الكوره. لعبتي
والاهلى فرقتى
ياما لعبت
كسبت. وخسرت
استاذ فى التاريخ
دى مهنتى
والقراءة والكتابة
متعتي
واخيرا
للسلام. سفير
ودكتوراه تقدير
من اخوه عرب
وتوته توته
بيكم تكمل الحدوته
ودي. ياساده
حكايتي ببساطه
د. عصام ابوالدهب
ليست هناك تعليقات:
إرسال تعليق