أصعب غربة
أصعب غربة مش با لسفر
أصعب غربة غربة قلب بين قلوب من الحجر
لما تعطي كل حاجه و بدون ضجر
وكان عطاءك اكتر من سيل المطر
والزرع اللي اتروى اصبح شجر
وتمد ايدك تقطف واحده من الثمر
يعطيك مراره وماتحصد منه غير الضرر
تبقى غربة صعبة الحب فيها بيندحر
الغربة ممكن تبقى وانت عايش وسط أ قرب البشر
الغربه غربة قلوب كطفل تايه وسط الدروب
فى ليل غطيص من غير قمر
غربة سفر غربة جسد وسط أجساد البشر
تطير قلوبها تسلم ع الحبايب ساعة سهر
وهى عارفه ان البعاد سببه السفر
أما غربة قلوب غربة بعاد لا تغتفر
والبعد فيها موت القلوب مش طول سفر
بقلمى فهمى محمود حجازى
ليست هناك تعليقات:
إرسال تعليق