((خمس دقائق))
...................................
شقشق فجر عجبال شو
بتشبهك صنين
ع سفح الشرق مكتوب
بلش التلوين
جوري وعصر هالون
برقة وحنين
بروس هالجبال سطوع
كلل هالجبين
أول خيوط تركت ظل
سارح من التين
زنبق الشامخ بلهفة حب
شهق..... تخمين
الحورات تراقصت أوراق
رقصت سنين
هسهس الأخضر حكي
مسموع بالعين
قحقب حجل صوت جراس
مابتعرف لمين
تغريدك يابلبل وعى الفرح
داوى الأنين
فلاح حامل بصدرو أمل
مزروع بالعين
الزعتر الأخضر مرافق عمر
ساقية..... تصوين
زهزه الريش وصياح عالي
أعلن للأمين
صبحك لبس توب العمل
صرخ..... الجنين
ضيعتي والوصف عاجز
يعطي بكلمتين
الله كونك والسحر من
خالق التكوين
ابراهيم سلمان رستم
ليست هناك تعليقات:
إرسال تعليق