طش الخبر
بالحي حكيت النسوه انذاع
الخبر
اتوشوشو وحكيو مافهمت شو
الأمر!!
طراف الحكي.......
طراف الحكي يمكن حكيو عن
قمر؟!!
كتر الهمس كتر الغمز مبين في
قهر!!
زاد الدلال... اتبرجو يمكن بغية
سهر؟؟!
خَفْ النكد... ببيوت هالحي وقتا
هجر...
يوم الأحد
يوم الأحد... والوقت كان قرب
الضهر
غزاله فتيه... بطلتا الكل انّْذَهل
وانٍْبهر
خطوه رزينه.... والقد سيف شامي
وانشهر
خصرها... باقة ورد خَيطها شّْد
انْضَمر
زنودها..... تسلب قلوب الّْكلها
حجر
نهود.... بسجنها.... عملت ثورة.
ضَجر
زْرّين.. زْرّين هاجروا العروات بان
الصدر
مرمر مزين بسلسال معمول
بدَهر
والوجه.... صبح مغزول بخيوط
الفجر
شفات... كرز الجبل تحكي تنشر
سْحْر
تلونو العينين بسحر أوراق
الشجر
شارك التلوين موجات صدرك
يابحر
رموشها... رماح مهَّذبي انسطرت
سطر
بسحرها الموت محتوم ليوم
الحشر
والعطر عطر الروح مرشوش
بحَذر
لما إيدي بإيدها حطيت غاب
الفكر
زين جبيني حبَّات متل حَبْ
المطر
سألت نفسي يارب هادي من
البشر؟؟!!
وقتها
وقتها.... عرفت السالفه.... بيَّن كل
الخبر
ابراهيم سلمان رستم
ليست هناك تعليقات:
إرسال تعليق