محكيّة غنائيّة..
شو عم بيصير؟
شو عم بيصير ياعالم
شو عم بيصير
كترانه/ي عنّا المظالم
الهمّ طوابير.
كانت تحسدنا الدني كلّا
خربوها وقعدوا على تلّا
وحلّا إن كان فيك تحلّا
يا وجه الخير.
ناس بْ وجعنا بتتسلّا
ونحنا بالنار بْ نتقلّا
لسا ما قلنا بسم الله
وقعنا بالبير.
هرهرتو أوراق التوته/ي
حرمتونا حتى البسكوته/ي
ويا دلّي إذا برفع صوتي
شو بصير شرّير.
عملوا البطاقة الذكيه/ي
مضمونه/ي بالميّه ميّه/ي
ضاعت خيوط القضيه/ي
ضاع التفكير.
هي جزء صغير من القصه
فيها شي كم مليون غصّه
اعطونا شي لهّاية نمصّا
شبعنا تعتير.
ما بنعرف شو مخبا بكرا
شي حدا يعطينا فكره/ا
يا خوفي من بعد السكرا
نصير عصافير.
تأخرتوا كتير يا ساده
تأخرتوا كتير
مرمطوا فينا كالعاده
بْ كتر التنظير
ونحنا بالصبر بْ نتحلّا
ونطلب الفرج من الله
وحلّا إن كان فيك تحلّا
وخبرني يا طير.
.. محمد عزو حرفوش..
ليست هناك تعليقات:
إرسال تعليق