هوان
بقلمي هلال البنا
،،،،،،،،،،،،،،،،،،،،،،،،،،،،،،،
في البدايه من زمان
والمدن كانت أمان
قبل مايصيبنا. الهوان
في النهار الناس بتسرح
تجار و دكاكين بتفتح
والفلاح في الأرض يزرع
والعيدان ماليه الغيطان
والخضار كاسي المدار
والميدان ماشي وميزان
خط سير و الناس بخير
في الأوان أشجار بتطرح
والمدارس بدري تفتح
لاجل نفرح لما ننجح
والمرور حسب الطابور
كله يجري الصبح دغري
والحرم حواليه حمام
يا مدينة السلام
والأنبياء الكرام
كل مسجد له أذان
والإقامه و الإمام
والأجراس جوا الكنائس
وصوت جرس حصص المدارس
والحياه كانت تمام
الأطفال في الليل تنام
ونصبح تحكي الأحلام
وفي الصباح صوت الفراخ
والأنعام عايشه في سلام
كنا في نور النهار
شمينا ريحة غبار
وصوت ضجيج وضرب نار
وفي البيوت عم الضلام
والصريخ في كل دار
شوفنا ناس مش شكل ناس
الوشوش وشوش وحوش
شر كان فيهم. أساس
ميت. معدوم الإحساس
شيخ ضرير لما استغاث
ردهم كان بالرصاص
أم والطفل. الرضيع
ودمهم ينزف فظيع
فلاح رايح يزرع أرضه
سايح الدم ومهتوك عرضه
قتلوا الحارس قفلوا مدارس
حرقوا جوامع. عملوا فظايع
خربوا الدير. ومنعوا كنايس
والعالم عامل مش حاسس
ظهر البوم. والغربان
في الإعلام وعملوا بيان
قالوا دا وعد وكان في النور
بولفور قايله. وكان مشكور
نبقا. كيان ولينا مكان
بالتزوير وفي أرض الغير
ولو حد قال ظلم الإنسان
موت يا ضمير ممنوع تفكير
ولما الأمه تعمل قمه
ومجلس أمن بمليون ذمه
والأمم المتحده و لمه
قرارات فاتت من سنوات
واجتمعات بعد اجتمعات
وكرفتات وبدل وعمه
غرب وشرق وقرات خمسه
والحق ضايع. تايه. لسه
بين النوم و صمت الأمه
بس مش ماتت والكل ساكت
في فلسطين ناس صاحيين
وأطفال قامت عندها. همه
إنتفاضه بالحجاره
في رامالله والقدس وغزه
وجميع الأرض. المحتله
القسام ومقاومة بعزه
واكتب يا تاريخ صنع الصواريخ
والطيران هايصحي الأمه
وفي النهايه يا زمان
المدن. هاتعود أمان
ونرجع تانى يا مدينه نسرح
والتجار. دكاكينها هاتفتح
والفلاح في الأرض هايزرع
والعيدان تملى الغيطان
وفي الأوان أشجاركي تطرح
والمدارس فيكي تفتح
وتبقى فرحه لما ننجح
والشاهد هو الزمان
والتاريخ واضح صريح
يحكي موسى والمسيح
المدن كانت أمان
،،،،،،،،،،،،،،،،،،،،،،،،،،،،،،،،،،،،
بقلمي هلال البنا
هوان
ليست هناك تعليقات:
إرسال تعليق