/ شو رأيكن /
قالوا النساء بهالدني أنواع
عندك مرا بكنز المحبة جوهرة
وعندك مرا بسوق الهوى بتنباع
وعندك مرا بروح الحياة بتنشرى
وعندك مرا عندا طبع طمّاع
وتاني مرا بورد القناعة مزهّرة
وعندا إرادة وقوّة الإقناع
وأكتر من الرجّال عندا مقدرة
وعندك مرا عندا الكرامة شراع
ومتل الثريّا بالحياة منوّرة
وعندك مرا متل الثرى قلبا مشاع
وشتّان ما بين الثريّا والثرى
وعندك مرا قمة ذكى وإبداع
وعندك مرا بسور الغباء مسوّرة
وعندك مرا عندا فكر خدّاع
وفي ناس حتى اليوم بيقولوا المرا
بعمرا ما كانت تعرف الإشباع
بنص العقل بتضل لو مهما جرى
اعطونا الرأي المظبوط بالإجماع
هيدي الحقيقه أم دعاية مزورة ؟
- عيسى فضة -
ليست هناك تعليقات:
إرسال تعليق