محكيّة غنائيّة..
وجع الحروف..
حروفي تبكي حزن
حبرا نبض إنساني
بكتب والروح تئن
بين ضلوع بردانه/ي.
غدار صاير يازمن
مليت الدنيا فتن
عَ الناس كلّا مِحَن
ضاعت كلّ الأماني.
العيون شبعت بكي
صارت بحالا ملبّكي
لمين بدّها تشتكي
بجبال هموم غرقانه/ي.
حاجتك يا دنيا قهر
كل يوم بيمرق شهر
ضيعان رايح هالعمر
هاجر ع كوكب تاني.
ناس عم تظلم ناس
ضايع منّا الإحساس
صارت كلّا وسواس
فاقت شرّ الشيطانِ.
ابن بلادي يا تاجر
حاج بلقمتنا تتاجر
كلّ الِ عملتو فاجر
مافي ثروة بقيانه/ي
ياريت بيرجع ياريت
نور البسمة لكل بيت
لو كان عَ خبز وزيت
حلوه العيشه الرضيانه/ي
.. محمد عزو حرفوش..
ليست هناك تعليقات:
إرسال تعليق