مثل ما مقدر للأغصان
تميل مع الريح
والسما تتلون و تلون البحار
وللشجر يعقد ثمر
ونسيم الصبح يتعطر
بنفحات الأزهار
وللشب يعشق صبية
يلامس إيدها بحنية
و عليها يغار
قدري تكون إنت حبيبي
شريكي ورفيق دربي
من يوم إل كنا صغار
و لعب الزمن فينا
تبدلت ريح أمانينا
وفرقتنا الأسفار
إنت ياحبيبي لما تأخرت
ما بتعرف شو بني
وشو يللي بحالي صار
تغير حال الدني/ا
ماعادت الوردة ملونة/ي
وسنة/ي بتروح
وبتجي السنة/ي
مافي عنك أخبار
الليل كئيب ونعسان
و نجم سهيل تعبان
أظلم المكان
و اختفوا الأقمار
إيام غيابك عم تمدها
بنتظرك والساعات ب عدها
ومابين الأوهام و جدها
بركض افتحلك باب الدار
أمي بتضحك ع عقلي
بتقول كن هدي و إِعْقِلي
وأنا صبر ما عاد إلي
بينزلوا الدمعات أنهار
بنام صاحي والجفن ذبلان
والقلب مفطور متألم و تعبان
بحلم بالربيع وزهر نيسان
يمر طيفك أحضنه بغمار
.. غانم ع الخوري ..
ليست هناك تعليقات:
إرسال تعليق