بقلمي الحاج هلال
..........................
إتنين وعشرين هلي بخير
واحنا دعينا وقولنا أمين
الحب بينا. يبقى كبير
يصلح حالنا دنيا ودين
جاي مش لاقي عمود البيت
مكسور قلبي وياما بكيت
ودمع العين والكل حزين
يا واحد وعشرين مريت
واحد وعشرين يابو كورونا
ماشي وسايب همك فينا
والناس ماتو بالأولوفات
أختي واخويا و أمي وابويا
٢١ روحي م الآخر
كنتي صعبه على المساكين
فقر فظيع والجوع كافر
يسترها اتنين وعشرين
كان أعباء على الفقراء
كهربا ميه طعام ودواء
والمعاشات زي ميت مات
محلك سر و ألف وباء
إتنين وعشرين مرحبتين
تعالي بفرحه للمحازين
مني علينا وفراحينا
داحنا غلابه ومطحونين
كانوا الفقرا واحد وعشرين
فقر معاهم بث مباشر
كان صايم ويا. الصايمين
عايش معهم والجوع كافر
إتنين وعشرين هلي بسرعه
وبلاش تبقي بنت القرعه
واحدوعشرين كسر خواطر
حني علينا وادينا جرعه
واحد وعشرين فيكي آمالنا
إصلاح حالنا وحال عيالنا
في21 كان متحاصر
كابس فقر وقهر علينا
إتنين وعشرين هل يازين
وخلي عندك رحمه ودين
الناس طافحه وفين الفرحه
واحد و عشرين منتحرين
واحد وعشرين مر و فات
كفايه حوادث في الطرقات
في القطرات وسيارات
هلي بخير وبندعي يا ساتر
إتنين وعشرين ياللا بسرعه
هل علينا بنصر مبين
تصحى الأمه بوحده وقوه
على أعدائنا منتصرين
إتنين وعشرين حفله وهيصه
وكل مسجد جنبه كنيسه
والهليله والكل عيله
م الأحزان عاملين تشبيصه
واحد و عشرين يابو كورونا
كلك. شؤم وحزن علينا
عمودين بيت وحزين وبكيت
ولسه سايب همك فينا
..........
بقلمي الحاج هلال
إتنين وعشرين
ليست هناك تعليقات:
إرسال تعليق