عامية شعر غنائي
من وين دربك :
قديش صرلي ناطرة لتوافي
ب حيات عينك ياولف لاتجافي
من وين دربك ياولف ماتقلي
حبيت اسمع من صوتك عوافي
وحبيت حطك بالحشى و ضلوعى
ضمة من روحك يا قمرنا شافي
حبيت شمك يايسمين الديري
حبيت ذوقك ياعسلنا الصافي
نسم الليل ونجومو تسهرنا
فتح عيونك ياقمرنا الغافي
وهذا وليفي مذبلات عيونو
كحل السما عاحلاهم كافي
لازرع عشقك فى جناين روحي
وتراب روحك لشيلو ع.كتافي
وخليت قلبي لعندك يحملني
هذا مابدو يابنت لاتخافي
بقلم/مفيدأبوفياض
ليست هناك تعليقات:
إرسال تعليق