كلما عن حالا بسأل
بتقلي انت الأوّل
تاري بعدي صاير ميّه
بالعشق جابت معدّل.
هادي يللي قلبا كبير
جاهز دوما للتتغيير
كل يوم بتنصّب أمير
واليوم التاني بيتبدّل.
كنت مفكّر حالي ديك
بِ قلبا ما إلي شريك
تاري راكب تل فريك
عَقاع الوادي رح أوصل.
إذا بدّك تغرق بالحب
وتبدّل سكان القلب
رح تفقد بوصلة الدرب
وتبهدل حالك يا مدلل.
كل اللي صافف بالدور
تَ يوصل للست بدور
آخرتو متل العصفور
بينقر نقرا وبعدا بيرحل.
.. محمد عزو حرفوش.
ليست هناك تعليقات:
إرسال تعليق