كل عام وأمهات الشهداء بألف خير وكل عام وفلسطين الحبيبة بألف خير تحية ومعايدة للشعب الفلسطيني الصامد.
-------------------------
زجل (قصيد قصير على البحر السريع)
------------------------‐----------------------
من بعد شهر صيام بالتحديد
شَرّف العيد بقول وين العيد
شباك بيت مْسَكِّر الدرفات
وباب بشمع مختوم ختم جديد
قبر الشهيد ال فاح بالنفحات
نفحات عطريه حلا بِتزيد
وإم الشهيد بتصرخ الآهات
بتسقي المخده دموعها بتنهيد
راحت ع قبرو حامله وردات
تقلو ياابني رد لو بِتريد
وصارت تشوف عيونها خيالات
وبديت عْصافير السما تغريد
جاوب أنا روحي مع النجمات
وكل عام تبقي بخير ياإمي
بفردوس الله عيدنا مِنشِيد
---------------------
شعر مدين رحال
ليست هناك تعليقات:
إرسال تعليق