بقلمي الحاج هلال
....................
العناية المركزه
في غرفة الإنعاش
هاتحصل المعجزه
ولا احنا رحنا بلاش
هل عطلت الأجهزه
وطبيبنا راح ولاجاش
أصل الحياة مدرسه
فيها الزمن أستاذ
وكلية الهندسه
بالسانتي والمقياس
والطب مش هلوسه
وابو الكلام بكاش
ممارسه في المهرسه
واقع في وسط الناس
مش تنفع الدروشه
والعلم فيها أساس
لو عالدولاب لحوسه
يبقى الزجاج شفاف
هات للبلاط مكنسه
أصل الرخام حساس
مش حمل. للمرطسه
ولا يمشي أي مداس
لو الضمير اختشى
كان المريض ارتاح
أصل الفقير ملطشه
لو جالنا يوم أو راح
وان لقيوا فيه مصلحه
الكل ليه مداح
ولا عطلت الأجهزه
في غرفة الإنعاش
وعنايه ومركزه
ولا إحنا رحنا بلاش
.....................
غرفة الإنعاش
بقلمي الحاج هلال
ليست هناك تعليقات:
إرسال تعليق