التين والزيتون
بقلمي الحاج هلال
،،،،،،،،،،،،،،،،،،،،،،،،،,,,,,,,,,
الزيتون شاهد مضمون
عللي بيجرى ورب الكون
والتين شايف برضو وعارف
مين مظلوم ومين ملعون
الزيتون حالف هيكون
تحته الظلم يموت مدفون
والتين واقف عنده يقين
نصر الحق أكيد. مضمون
الزيتون بيشوف الغم
والتين سامع صوت الهم
عند الناس الصمت أساس
والأشجار راح تتكلم
الزيتون شاهد والتين
شافين ظلم البني آدمين
نت و فون والتليفزيون
نار مصبوبة وناس ميتين
التين شاهد والزيتون
كان في إيه وإيه هيكون
والأشجار و الأحجار
راح تتكلم عالملعون
الزيتون والتين بيسبح
والطير بيطير فوق وبيسرح
في الملكوت بصمت وصوت
والكون كله بكن فيكون
وشجر التين والزيتون
يشهد قدام رب الكون
وربنا عالم ظلم الظالم
مين له حق ومين ملعون
........................
بقلمي الحاج هلال
التين والزيتون
ليست هناك تعليقات:
إرسال تعليق