بقلم الشاعر الحاج هلال
،،،،،،. ،،،،،،. ،،،،،،، ،،،،،
كله واضح زي الشمس
ولا في خدعه ولا في لبس
والنهار ١٢ ساعه
والليل بكره زي الأمس
والأيام ليل بعده نهار
واللي يعدي ما بيرجعش
من غير خدعة ومن غير لبس
مابترجعش عقارب الساعه
ولا بتلف الساعه بالعكس
والأطفال محتاجه لرضاعه
واللي بيكبر ما بيصغرش
كله واضح زي الشمس
والعاقل يفهم ويحس
والبني آدم روح مع نفس
ده مع ده هو الإنسان
مش لعبة و تمثال من جبس
ولا في خدعه ولا في لبس
في إنسان مش ساعده الحظ
رزقه قليل ضيق في القرش
لازم ياخد بالأسباب
مش يستسلم ويقول نحس
كله واضح زي الشمس
ولا في خدعة ولا في لبس
إياك تستسلم لليأس
تضحك على نفسك وتغش
قوم واتحرك واذكر ربك
ودق على باب الرزق وخش
كله واضح زي الشمس
الحمار مجبول عالطاعه
والميزه فيه مابيفهمش
د الحمار لو يفهم ساعه
هايقول عاوز أرجع جحش
ولا في خدعه ولا في لبس
فرق بين الحق و الغش
الحق واحد ولا ينفعشي
يتقسم بين نص ونص
له وش واحد مش ١٠٠وش
ظاهر واضح زي الشمس
القط لو تديله القمه مابيخفش
ولو ينتشها يجري يكلها زي اللص
خليك ناصح دغري وواضح
وبلاش تبقى ماشي بالعكس
من غير خدعة ومن غير لبس
خليك واضح زي الشمس
بكره هاتطلع زي امبارح
والليل برضو زي الأمس
،،،،،،. ،،،،،،. ،،،،،،،،. ،،،،،،،
................. خليك واضح
مع تحياتي
الشاعر حاج هلال
ليست هناك تعليقات:
إرسال تعليق