النسيج الوطني
......................
أنا الماشي على راسي
ساكت مكتومه أنفاسي
وصاحي وفاهم وراسي
رغيفي ب ييجي من فاسي
أنا الماشي لوحدي كفيف
وعكازي قصير وضعيف
ولا عديت لوحدي رصيف
عشان خايف من التخويف
نسيج
خفيف إنت في خف الريش
روح وسيبني في مهب الريح
شايف جسمي وفيه بقابيش
سيبك سيبك من التلميح
لوابن أحمد أو ابن مسيح
وا لف واطوف براحتك سيح
واشوف قسيس واشوف الشيخ
روح اتصور مع التواريخ
نسيج
واعي وساعي لرزقي أسير
بابيع تماثيل ملك ووزير
ورق بردي وقله وزير
ونفرتيتي ومعاها أمير نسيج
أنا المسؤل عن ابني صغير
وألف سؤال غير التكرير
ليه المسجد وليه الدير
يموت ناسهم في نار ياضمير
وكان ردي بدون تفكير
في يوم يابني هتبقى كبير
و تعرف معنى إيه بضمير
ومسجد مبني جنب الدير
نسيج
راح يصلي ما بيصليش
وبيوسوس وشغل ابليس
وعنده النيه في التطفيش
واضح فيها مابيخبيش
وفين رايح يابو الخفافيش
سارق بنزين من الأتوبيس
شارب بنجو وزارعها حشيش
مع الأفيون مابيخليش
نسيج
أنا التايه بين المواريث
ميراث أمي من التحويش
باعوه مني بسعر بخيث
وخلوني ذليل ورخيص
ياما اديته ولآ بيديش
شايل همي ولا قليش
و بيهمه أموت أو اعيش
خيال في خيال وشغل أبليس
نسيج
علي واحمد جيران جرجس
واحد بينام واحد يحرس
وفي الشارع واحد يكنس
و مية نرش عشان نفرش
كنيسة جنبها. جامع
جرس يضرب. أذان سامع
بقالنا. سنين كتير عيشين
نسيج واحد جميل واقع
.............................
النسيج الوطني
بقلمي الحاج هلال
ليست هناك تعليقات:
إرسال تعليق