دفنت روحي وسط روحي
وقلت يانفسي بوحي
وداوي ألم جروحي
فك القيد والسلاسل من جناحي
بغيت صوتي يفوق صياحي
نعرف واش نايم ولا صاحي
طل الفجر ولاتاه في الضواحي
كاسي مرار راح تجرعتو في اقداحي
طلعت صنعتي فاشلة وترابي ماهو فلاحي
وحرفي من الرحُال يفتش على الغيتث يرسم لواحي
واش حظي نايم ولا نصيب اقراحي
وناح نواح من صوت نواحي
حلقت مع الطيور وكسروا جناحي
وكلابهم مسعورة فاقت نباحي
لا وساد ولا منام لقيت فيه ارتياحي
والظلم عصفت بيه رياحي
وصدقت الحروف تتكلم وتتألم داوية
ومانبعت من عين شافية
والقصيدة لمغزاها رواية
ماتحقق الموراد اللي هي ناوية
طلعة الشبكة من قاع البحر خاوية
والكلام طلع زبالة في الحاوية
قصيدة من هاوي الهاوية
حفرة فالقلب وهي الراوية
دفنت روحي وسط روحي
وكانت السر فبوحي
مانزيد ضغط ونزيف جروحي
شعبي مصطفى
ليست هناك تعليقات:
إرسال تعليق