( ضلّي انطريني ) محكي
قبل الوقت مايصير قلبو من حجر
طالع أنا بتشربن عا بحة وتر
وعربش بعز الليل ع دراج السما
وجبلك شي سلّة ضو من كرم القمر
بضوّي طريق الملتقى بهاك الحما
ضلّي انطريني بعد ماينام القدر
من العاصفة حروف العشق رح لملما
وارسم بحبر الشوق لعيونك صور
رح بروزن بالورد ع شفاف اللما
على كل مفرق صمت بتركلك أثر
ولو هالحكي بيموت بحكي بالوما
لا تفزعي ولو طال مشوار السفر
راجع أنا بكانون جايبلك غرام
وبفتحلك بعز النعس باب السهر . عيسى فضة
ليست هناك تعليقات:
إرسال تعليق