سقيتو حرف من خمر اقداحي
وفرًشت مراحي
والنوم والصًمت سباب أقراحي
غابة وديابة تنهش ولا من سمع صياحي
ولاشمس ضوًات فجر صباحي
وسجًان الفقر ماطلق سراحي
ياقصيدة راوية نغمة وصوت نواحي
يا بلادي يا قٍطار نقل الزلط والنواحي
وحرف صدً صداحي
وقمع افراحي
وضافت الروح من رواح الضواحي
برًح برًاحي
ماعرفت واش مثمل ولا ساحي
فبلادي عايش بأسعار سياحي
هربت الصابا
والدياب احتلوا الغابة
تنهش الضعيف والغلابة
والسهر على نغمة الربابة
لامحاسبة ولا راقبة
وكتاب تعلُم الكنادية في المكتبة
قرأ وتعلًم ووعود الكذابة
ممنوع من العمل بدوافع المحسوبية والمحاسبة
والعلاقات والنساب والنسوبية
والناس للي ولفتهم ولفوا بيا
مصعدين.رصيدي فالابناك الدولية
برًح برًاحي
ونطق بتفسير ابراجي
وقال اجلهم فالطريق ماجي
وهذي هي المسؤولية
والخاين بلادو ما تنفعو سمحوا ليا
الحق مطلب بلا سيف بلا جنوية
والشوكة تتسل بشوية شوية
وعيشة ترجع مرضية
برًح برًاحي
شعبي مصطفى
ليست هناك تعليقات:
إرسال تعليق