الّله كتب عا صفحتو بلغة السما
لولا وجود الأم بيموت الوجود
قال المرا هالعيد لعيونا أنتمى
روح الحياة بذاتها وفرح الوعود
وقال الحقيقه أم طاهر مبسما
قلبا نهر للعاطفه مالو حدود
بتاج الأمومه والمحبه كرّما
قلّا البسي هالتاج على مر العهود
كوني وطن معشوق عنوان الحما
ضلّي عبير الحب ع شفاف الورود
ومهما الجروح تزيد كوني بلسما
إنتي السفينه شراعها القلب الودود
من هيك إسم الأم بالعالي سمى
ولولا حنانا ما حلي طعم الحياة
وما كان صار الكون قاموس الخلود .
- عيسى فضة -
ليست هناك تعليقات:
إرسال تعليق