/ فرس الحقيقة /
كرمال دم الشهدا ورب السما
وبجاه طهر الحق وتراب الحما
لا تصدقوا ع الفيس كلشي ببنحكي
عندك حكي عين الوئام بيرجما
وبيكون خدعة بالنفاق مفبركي
ومتل اللغم موقوت عم بيلغّما
عندك شخص عم يضربك وبيشتكي
بقلبو الحقد وعيون غشّاها العما
وجايي متل تمساح عا نهر البكي
يعكّر حياتك بالكذب ويعلقما
ويرمي الفتن بجنون كذبة محبّكي
روح الوطن من إختصاصو يسمّما
وفي ناس في عندن وفا وأحلى حكي
بيشفي جروحات الوطن ويبلسما
الكلمه إذا المقصود منها اللوفكي
من الفيس لازم تنمحا ونحرّما
ونبارك الكلمه الصحيحة وندعما
يا رب سوريّا الحبيبه تسلّما
وفرس الحقيقه تضل فيها جامحه
وما في حدى بهالكون قادر يلجما .
- عيسى فضة
ليست هناك تعليقات:
إرسال تعليق