تذكرت يوم كانت صغيرة وشوفها مع أقرانها بالعيد
وكتبت....
( طفلة العيد)
........
بتتذكري؟؟؟
يوم الكان العيد
ينطر جناحك
يرفرف
ت تبان
بعيونو بهجتو؟؟
والعمر بعدو بأولو
صابيع إيدي تحصر
عدْتو
طلة بهية
وسحر الدلال
متل نجمة صباح العيد
بفرحتو
كتلة جمال
وتياب تحكي ذوق الأم
وشو حلوه
حبكتو!!
إيدين مسَّندي عالباب
والمبسم شغلتو
ينشر سعادة بقلب
أهلو وديرتو
بلحظة.... بلحظة
الرُكب تعمل للجسم أقدام
كرمال
مشيتو
هم السلام
وهم يحافظ الملبوس ع لمعتو
وبعد هم
ماتلامس الأقدام بساط العيد
وتحرج لمتو
متل موج البحر تكرجي
والشط حضني
وغمرة حنان
غايتو
وحس الثواني زمااااان
تأخرك
عن ضمتو
شوف الجدايل
تجاور الخدين
وحدي لتفاح الجبل
والتانية لدراق الشام
مرايتو
وعيون وسع المدى
فيها السعادة
متل الجنان
ثمارها للنظر راحتو
والأنف جوهر مصَّنع بإتقان
عامل للفرح جولتو
مبسمك سبحان من صَّور
حبات الكرز
والموسم
معبا بسلتو
وشفات تخلط مابين الكاف
والتاء
تنشر عبير
يسعد القلب
ويحتارعقل النجيب
بعمامتو
جملة
(عيدك مبارك)
تعمل بريق
ورنة جراس العيد وحلاوتو
وقلك
ياااااااارب شوفك عروس
متل البدر
بهلتو
وينعاد كل عام
وأنتم زينتو
ويزيد بالجيب مبلغ زهيد
يكَّمل فرحة العيد
وحاجتو
ابراهيم سلمان رستم
ليست هناك تعليقات:
إرسال تعليق