/ داير بالفراغ /
ياحامل صيامك ع ورقة توت
مش حاسب حساب الرباح
وزارع بقلبك في لغم موقوت
وماشي مابين رماح
نسيت الوقت تحت الصلى مكبوت
وطاير بدون جناح
جوّاتك الإيمان عم بيموت
طار الحمام وناح
ع رصيف أحلامك صرت مزتوت
وعم يكتروا الأشباح
برمضان جايي اليوم متل الحوت
وطالع متل سفّاح
وبتقول ما عندك بقى في قوت
متعوب مش مرتاح
لا تدق عا رمضان حتى تفوت
وقتك خلص وانزاح
ولو هيك رح بتضل داير بالفراغ
لا رمضان رح يفتح إلك هالباب
ولا في معك مفتاح . - عيسى فضة
ليست هناك تعليقات:
إرسال تعليق