سبحان الله قدك ماأجملو
رب الكون عَ مهلو مفصلو
حتّى البحر لمّا بيحضنك
بيدوب ملحو بيرجع حلو.
بذكر يوم شفتك ع عجل
رقص قلبي رقص الحجل
وجمر بين الضلوع اشتعل
يمكن عمرنا بلّش من أوّلو.
ياوردة بخبرك يمكن تدبلي
إذا من نبع حبّي مَا بتنهلي
شوية عقل بتنحلّ المسألي
قلبي عم بيقلّي إنك إلو.
حروف الغزل خلقت إلك
وكل نظرة عشق بتشملك
خدي هالقلب بِ محملك
من بعدك ما بقا استعملو.
.. محمد عزو حرفوش.
ليست هناك تعليقات:
إرسال تعليق