محكية حب... للمبدعة إنصاف قرقناوي

محكية حب 

اشتقتلك 

بتعرف شو يعني اشتقتلك؟؟

اشتقتلك..

يعني قلبي عم يوجعني قد ما عم يدقلك..

اشتقتلك والنبض جواتي عم يصرخ.. 

عم ينزف عشق..

وعيوني عليك عم تدور ببن البشر..

وتندهلك وينك حبيبي.. 

كل شي فيني عم يحنلك..

تعا تا حتا نلغي البعد..

ونقتل مسافات القهر..

ونسهر سوا عا ضو القمر..

انت بعينيك تغمزني غزل..

وأنا اغمر عيونك الحلوي بحناني.. 

وعا كل جفن من جفوني..

حروف اسمك اوشملك..

بحبك عا بكرا الصبح..

وبعد الضهر..

وقبل المسا ما يدق بواب السما.. 

قلبي بيسبقني لعندك..

تا يقلك اشتقتلك..

إنصاف غسان قرقناوي