محكيّة غنائيّة.
ما أجملك.
توبك من خيوط الشمس حيّكي
خلّي الحرير يغار ومنّك يشتكي
بيكفي للبدر بْطرف عينك تغمزي
بينزل لِكِ وع كتفك بيرتكي.
سبحان الله يا بنت ما أجملك
إله الكون ع مهلو مفصلك
بحور الغزل كلها خلقت إلك
وبيضل الشوف مو متل الحكي.
ما عندي حروف فيها أوصفك
ولا كل القصايد بتقدر تنصفك
حاسس إني من خلقتي بعرفك
وعايش حياتي تَ فيكِ التقي.
.. محمد عزو حرفوش.
ليست هناك تعليقات:
إرسال تعليق