**** اللى حبوا خدوا ايه ****
قالولى :
هو صحيح الحب عذاب
يكوى ويجرح قلوب أحباب
رديت وقولت بتسألوا ليه
لو قلبي حب كان عرف الجواب
أنا اللى دايب غرام من كلام الناس
بسمع حكاويهم قلبي يدق يا ناس
أحلم يكون لى حبيب زى القمر وناس
يا ريت الحب يسمح لى واشرب منه كاس
ف يوم لقيت القلب كدا فرحان
من فرحته الفرحة في العين تبان
تقول أفرح خلاص وأنسي اللى كان
لقيت حب عمرك واحلو الزمان
حبيتها حب ملوش حدود
مليت لها قلبي زهور وورود
وقلت دا أنت سر الوجود
وقلبي بيك كان موعود
ضحكت ضحكة مش عادية
وقالت حبك صعب شوية
خلينا نكون زي الأصحاب
وكفاية بينا حب الأخوية
ليه يا زماني غاوي تعاندنى
والحزن ليه ديما ملازمني
بحلم بالفرح ييجي ويزورني
ألاقي الهم عمره ما يسيبني
راضي يا دنيا بقدري ونصيبي
راضي تحرمي قلبي وتعيبي
زيدى يا دنيا من الأحزان زيدي
يمكن طيبة قلبي هى غلطتى وعيبي
من النهاردة القلب مات
وتحرم عليه الأمنيات
هعلمه إزاي يعيش
من غير حب وتضحيات
إزاى يعيش جوه منه وف سكات
هم اللى حبوا خدوا إيه
غير الجرح والآهات
*****************************
بقلم / مصطفى كرم
ليست هناك تعليقات:
إرسال تعليق