ياعيد الحب
ياعيد الحب ياحوينة شبابك
شو كذبو فيك شو شقو تيابك
وبعض الناس بين ع الحقيقة
بنفاق وكذب شو وقفو عبابك
ضلو ينافقو بنفس الطريقة
ونسيو العلقم وحبو شرابك
كم من عاشق وكم من عشيقة
بدموع الكذب قد عبو قرابك
واللي كان من عيلة عريقة
معو مابتفرق برحلة غيابك
انت ياحب بسمتنا الرقيقة
يارتني حرف او نقطة بكتابك
انت النا كما العروة الوثيقة
ع مر الزمن مافيه عيب شابك
ومرارة هالدني كيف رح نطيقا
حبيب القلب ما احلى عذابك
انت ياحب مش لحظة ودقيقة
انت روحي وشغفها ونبض قلبي
وانت عندي وطن بعشق ترابك
بقلمي علي شاهين حسن
ليست هناك تعليقات:
إرسال تعليق