من مذكرات سوسو
الحقوق محفوظةS. B
ولك مين
ولك مين متلا يا حلو ولك مين
ومين بحلى هل سوسة الحلوين
ومعقول متلا ويلتقى عنا قمر
ولا حكيي وكلو حكي وتخمين
ولك مين متلا يا حلو ولك مين
ومين العيونو لبٰ حلى عيونا
ومين ولِ يلي وما اشتهى يكونا
ومين ول يلي وما ابتلى وعشق الحلى
ولا عاف كرمالا الصلى
ولا صار مجنونا
ومتلي أنا وما تعتر المسكين
بحب الحلى وعيونها الحلوين
ولك مين متلا يا حلو ولك مين
الكحل بعِيونا لِ عِيوني بتعشقو
فيه الحلى البلٰ عَين شو بتشوّقو
ويا ريت فيي ومن عِيونا أسرقو
وتصبح عِيوني للحلى تلاوين
ولك مين متلا يا حلو ولك مين
فيها الحلى يا ناس جنني
وعيني ابتلى وخاد العقل مني
وأجمل عِيون عيونها هني
وهني بعِيوني ابلا حلى حلوين
ولك مين متلا يا حلو ولك مين
الشاعر عبد الكريم سلامة
الملقب بكريم أبو تصري
ليست هناك تعليقات:
إرسال تعليق