❤ شغف ❤
هيمان فيكي هيمة الولهان
وصاير عم شوفك بأحلامي
يازهر ع أمو من كتر الندي تكيان
حاجي تهمسي بالحب ياحلوتي نامي
لا تقولي كبرت بالعمر وصرت جهلان
كل يوم عن يوم عم تحلى أيامي
ومن يوم يومو سحرك الفتان
يمطر حلا ويسقي حبي وهيامي
بتذكري قديش كانت حلوة مراسيل جبران
وع البعد قديش كانت مي بحبو هيماني
وقيس اللي قضى كل عمرو بجنان
و كاظم بالهوى ياما رتل حروف ل قباني
ابعتي طيفك أنا والقمر سهران
عم اغزل من حروف الهوى رداني
بوعدك رح ضل طول العمر سكران
من طيفك ل زارني وخبيتوا بدناني
بقلمي .... عماد عبدالله
ليست هناك تعليقات:
إرسال تعليق