*...حمص ...*
جودي دمع ياعيوني الحميمة
على حارات بي حمص القديمة
وذكريات فيها بيت جدي
وأطيب شعب و أصولن كريمة
وﻷنو حمص بشعري بكل مطلع
بتعطي الشعر هيبة وكبر قيمة
شو حزن القلب وعليك اتوجع
كأم يسوع بالجمعة العظيمة
إجاك الكفر من الجرذان أبشع
دين وهاب بأفكاروا السقيمة
جهل وحقد على أرضك اتجمع
ونفذ خطط تجار الجريمة
والتكفير بكثر المال أسرع
وجند ناس ضمايرهم عديمة
أم الزنار عليها الكون أجمع
وقدس سر كنيستنا الكريمة
وجامع خالد عليها اتصدع
وبكاها وصاح ياكبر الجريمة
عشر سنين وأنا كل يوم بسمع
ع قتل ونهب واغتصبوا الكريمة
حمص الكانت من هالمجد أرفع
جرحوها كثير أوﻻد اللئيمة
هدم وحرق صار بكل موقع
وطمس تاريخ زنوبيا العظيمة
عنا الطفل حبا لحمص بيرضع
وحتى قبل ما يقصوا المشيمة
قومي انفضي عنك كفر مدقع
فداك الروح وﻻ منرضى الهزيمة
ارجعي عدية وكوني نار مدفع
بوجه من باع عرضو برخص قيمة
ليكي العاصي بحاراتك اتوزع
ورضع حب مثﻻ ﻻ حليمة
وديك الجن للفرسان جمع
ﻷنو بيعرفك شقدك عظيمة
وقال . ياناس كاس الموت بكرع
ﻷنو الموت لجﻻ كبر قيمة
وحجار السود رح بتكون مقلع
لنبني مجد سورية الكريمة
وعلمنا الحر فوق المجد نزرع
بعيونو الخضر اللي هني نعيمي
الله كريم وننهي هيك محنة
ت حتى قول بنهاية كﻻمي
...... كريم يارب عينك ع الكريمة ......
جوزيف رداح
ليست هناك تعليقات:
إرسال تعليق