رح صارحا..
رح صارحا وقلا
شاعر أنا
بكتب ت اتسلى
شو بيخطر عبالي
بسرح مع خيالي
عصفور في العالي
عشفاف بتلالي
بغط وصوب النهد
بهبط و ب ادلى
شاعر أنا
بكتب ت اتسلى
بكتب شعر
بنثر عطر
بقضي عمر
الثم جمر
ومهما كبرت العقدة
بالصبر رح فكها
وحلا
شاعر أنا
بكتب ت اتسلى
اوعا بحبي تغرقي
وقلبك الطيب تحرقي
ملعون خيالي هالشقي
بينطر حتى تمرقي
تيلاعب جدايل شعر
ويزينا بفل وزهر
وبدموع يغمرها غمر
ويعتذر عن زمن ولى
شاعر أنا
بكتب ت اتسلى
برفرف مع النسمات
بروض الآهات
بمسح الدمعات
برسم البسمات
بزين الساحات
برفع الرايات
بسرج الغيمات
بقطف النجمات
ولتحت العرش
قادر اتعلى
شاعر أنا
وبكتب ت اتسلى
---؛؛؛----
نلتقي لنرتقي/أحمد ابراهيم ريشة
ليست هناك تعليقات:
إرسال تعليق