أغنية
هور يا بو الهوارة
شوصاير فينا بهل الحارة
لمن غابو هالأحباب
يبسو وردات عتابا......(اللازمة)
لما الليل يلاقي ليل
بتسمع صوت الربابة
سامرنا يا نجم سهيل
دخلك لا تزيد عذابا
لا تسأل يا نور العين
ليش مسكر بوابا
دمعا جاري عالخدين
وغنت ع غيابو سكابا
(لازمة)
والخيل يحمحم ع خيل
والفارس بعدو غايب
شاماتو يا حب الهيل
الكرز ع شفافو دايب
الله ال/ خلق الحلوين
من بعدو كسر القالب
بلحن موالو تلحين
وهو يرندحلي يابا
(لازمة)
ليل وعطشانة هالكيل
والقمر لسا نايم
شفلي من صوبك هالميل
لو لا بتلمح علايم
بدي من خدو حبتين
حتى يفطر الصايم
ومن كرمو بدي خصلين
حتى نعصرها شرابا
(لازمة)
دلك دلك دلعونا
عيونك لا لا لا تخبي
قلبي صاير مجنونا
لا تزيدي حرقة قلبي
بدي بسمة من سنونا
بجمالا سبح ربي
لما بتفتح حضونا
الجنة بتفتح بوابا
(لازمة)
حسن الحداد
ليست هناك تعليقات:
إرسال تعليق