يا عديم الفهم والذوق والإحساس
تعاكس صبية متل قطفة حبق
شو ذنبها الغانية ابنة الناس
كان زوجها سكير وشرو سبق
تركتو من النكد مو بشر خناس
وصارت طليقة عا شقفة ورق
صرتو تلاحقوها متل حراس
شو ذنبها القاضي بحكمو نطق
اعتبرها أختك يا صاحب الوسواس
بترضى يزعجا شوية علق
اعتبرها أمك والأم عندك أساس
بتريد تشوفها عارية وسط الخلق
بتنهش بلحمها كلاب وبساس
ويطمعوا فيها المتلك ولاد الحمق
اصحا وخليك نخوة دوم نبراس
عرض الناس مو لعبة ورق
وخليك يا فتى للأخلاق متراس
تحمي العرض ويحميك رب الفلق
نصر علي ميكائيل
...
ليست هناك تعليقات:
إرسال تعليق