العمر هربان... للمبدع نبيل قزي

....  محكي ....  

....العمر هربان ....

 ع نغمة طرب

الحكي بعيونك

    خجلان.. 

القصب مجروح

والحب ناطرك

     سهران.. 

  ضحكتك متل

تشرين بتسوسح

 كانون النعسان.. 

  نص الصبح

 و نص المسا

بجمع الضحكة

  من شفافك

  حروف نور

و عطر بيلسان.. 

الغمزة من هدابك

 جنون وتاريخ

 مقيد ع الحيطان.. 

   يا عمر ضاع

  ع غفلة بغابة

     النسيان.. ..

 وينك يا رفيق 

  العمر هربان.. 

متل حصان جامح

     بالبستان.. 

  متل شتي أيلول

   و غيم نيسان.. 

   ناطرك و القلب

  عم يدق بالضلوع

  متل المي بالطلوع

      بدها طوفان.. 

  نعيش العمر عمرين

   و الكاس نشربو

       لو بالدين... 

و الحكي يبقى بيناتنا

   ع الهمس سكران.. 

  وينك يارفيق العمر

         هربان.. 

             نبيل قزي