هلال البنا
بلاش وحله
،،،، ،،،، ،،،، ،،،،
شوف الطريق يالا
ورش الشارع ميه
أكنس في كل ناحيه
وقت الكنيس يحلا
بس اوعى م الوحله
وقوم نضف الحته
للماشي في السكه
واقعد على الدكه
تقعد ومش تمشي
وهو الطريق منسي
القعده في الشارع
وها نرضى بالواقع
سهره ونور قاطع
وحفلة عريس ساقع
كرشه الكبير واسع
والسهره في الضلمه
أم العريس سالمه
وعقل العريس غايب
عروسته في الغالب
ومحتاجه لمطالب
مطالبها مش باينه
و هي مش خاينه
بس هي عطشانه
والفرصه مش حاينه
الميه مش غاليه
ونشرب ياناس ميه
الميه دي مع ين
وماليينها بالجركن
مليانه من عرقي
وخلي العريس يركن
ليه العريس يمشي
والفرشه مية كرسي
ليقول دا مش عرسي
وزي ما ترسي
يحلف وانا مالي
والضخ جاي غالي
فين جهد عمالي
وأصل الأجور غاليه
من أرضنا العاليه
والميه مش طايله
مش طالعه في العالي
والساقيه فين مايله
أنا اللي مال حالي
وقلت عقبالي
شلتك على اكتافي
وجبت عوامه
ماسك بمجدافي
ودخلت دوامه
المشي كان حافي
وسالمه يا سلامه
سلم على ناسي
وياك تقول ناسي
قلبك يكون قاسي
وعقلك الراسي
قطعت أنفاسي
وضيعت إيد فاسي
خربت إحساسي
حرقت كراسي
وجاي تقول ناسي
ناسي وفين ناسي
ومالي الصداع راسي
شوف الطريق ياللا
ورش الشارع ميه
أكنس في كل ناحيه
وقت الكنيس يحلا
بس اوعى م الوحله
واتنضف الحته
للماشي في السكه
وياللا اعدل الدكه
يقعد ومش يمشي
والوقت كان مامسي
المشي جاي بكره
ومين يزرع الخضره
راح ياخد الأجره
وفي الصبح من بدري
أعرق واخد أجري
والميه لو تجري
تطلع يا نور قمري
وتتوضى من بحري
تسمع أدان فجري
واتصلي في حجري
تيجي النجوم ترقص
واتغني يا عمري
شوف الطريق ياللا
ورش الشارع ميه
قوم نضف الشارع
وقوم واكنس الحته
إفرش على الواسع
والكرسي مية رصه
روح وزع الساقع
ومين يمشي في الزفه
كل اللي راح راجع
ومهما اللي جاي لسه
مش نرضى بالواقع
و قوم وافرش الرمله
رش ميه في الشارع
وشوف الطريق ياللا
بس اوعى م الوحله
ونور القمر طالع
بكره النهار ساطع
رش الشارع ميه
،،،،، ،،،،، ،،،،،
بلاش وحله
هلال البنا
ليست هناك تعليقات:
إرسال تعليق