بقلمي هلال البنا
،،،،،،،،،،،،،،،،،،،،،،،،،،
للخلف دور
وعكس إشارات المرور
مش ضروري تجري دغري
والتزم حسب الطابور
أبرهه كان جاي بفيل
ويهدم البيت الجليل
جات طيورنا الأبابيل
وقالوا فيل للخلف دور
أبو جهل كان عجول
ومش بيفهم في الأصول
راح في بدر وجاب خيول
وقال مافيش للخلف دور
فرق بين الفيل وتور
وده تقيل والتور غرور
تور في ساقيه يلف يدور
وفيل أبرهه كان فيل مأمور
للخلف دور
والإشاره نور. ونور
تقيد وتطفي تقف و تمشي
ولا فيش للخلف دور
شهريار وشهرزاد
ومسرور كان سياف جزار
سيفه حامي وسيف بتار
وكل يوم للخلف يدور
ليه بتخلط في والأمور
واقفه نور وطلعه نور
في الإشاره والشطاره
وليه تشور ف الخلف دور
يوم قطز ماخد قرار
واللي جايين التتار
عز عبدالسلام إمام
وتيمورلنك للخلف دور
في الإشاره في إداره
وبيضه وسوده بالأماره
في المكان وخطوط أمان
وحتى تفهم الحماره
فات سنين على أورشليم
وقدسنا في إدين لئيم
صلاح الدين ويوم حطين
وللائيم للخلف دور
فين ديان وجولدمئير
وبيان نصر لمصر كبير
سمعوا وشافوا طيور بتطير
وفي اكتوبر للخلف يدور
الإشارات مافيهاش مغرور
ومخالفات لو تكسر غور
مستور لازم يبان ف النور
ولا ينفعش تلف وتدور
شارع مجلس شعب وفوت
وزعلان ليه والكل. مبسوط
شارع الجامعه إسم وسمعه
والآن بقى عيان بيموت
للخلف دور
وليه بتنط وتخطي سور
روح ولف من ورى مجبور
وممكن تنزل كده مكسور
محتاج مستشفى ودكتور
وللخلف دور
عكس إشارات المرور
ومش ضروري تجري دغري
إلتزم حسب الطابور
وللخلف دور
كانوا زمان يركبوا حنتور
ودلوقتي التوكتوك بمتور
يدخل حاره وباب في عماره
وحاط دعايه لابو. دعدور
للخلف دور
بوابه واسعه وقالعه مداسها
وناس كدابه وتشهد زور
مين أساسها وحط مقاسها
وعين في الضلمه وعين في النور
للخف دور
كل مرشح عامل مسرح
وعامل زينه وعلق نور
علشان ينجح لازم يدفع
وياخد منه يكون مشكور
للخلف دور
وشوفنا كورونا خربت دور
فيرس أخرس كان مستور
ودخل بلاد بالموت لعباد
ترامب وأكبر راس محظور
للخلف دور
وقالوا كورونا راجع تاني
كل الكون هيكون محظور
واللي ماخدش العبره أناني
لازم كده للخلف يدور
وقيصر كان في ملك عظيم
في الروم سيد إمبراطور
وكسره الفرس شكله وسيم
بس بيقولوا كان طرطور
ولا بيلف ولا بيدور
زي كام ظالم كان مذكور
والتاريخ من غير توضيح
فيه الضلمه وفيه النور
ولا للخلف يلف ويدور
عكس إشارات المرور
ولا في كدب ولا في زور
ماشي دغري مش بيجري
والتزام حسب الأمور
للخلف دور
بقلمي
هلال البنا
ليست هناك تعليقات:
إرسال تعليق