سأعود
بقلمي هلال البنا
،،،،،،،،،،،،،،،،،،،،،،،،،،،،،،،
راجعه تاني وشاده حيلي
وحتشفونى صالبه طولي
جاى نهارى بعد ليلى
ولابسه طرحه وسبحه لولى
عارفه دولي وعارفه دولي
وده حبيبى وده عزولى
راجعه تاني واسألوني
وحتشفونى وتقلولى
ياكبيره وتحسدوني
ياعظيمه وتفرحولى
واقفه شامخه صالبه طولى
وعارفه مين إللى كادولى
حتشفونى راجعه تانى
ولابسه تاجى المعجبانى
عارفه مين ندل وأنانى
وعارفه مين بيموت عشانى
مين بيفرح لما بافرح
ومين بيفرح. لو. أذاني
حتشفونى فى العلالى
لابسه توب جميل وغالى
وراجعه تانى مع حلالى
عاوزه أروحله هو جالى
وجاي وناوي عالغناوي
ناوي يبني برج. عالي
حتشفونى ونور عيونى
واتبسوني وتحضنوني
وعالحبايب تسألوني
كلمه كلمه لما جوني
وانا واقفه صالبه طولي
وراجه ليكوا. بتوحشوني
حتشفوني صالبه حيلي
وجاي نهاري بعد ليلي
لابسه طرحه وعقد غالي
ورافعه راسي فى العلالي
عارفه دولي وعارفه دولي
وعارفه. مين اللي كادولي
،،،،،،،،،،،،،،،،،،،،،،
بقلمي هلال البنا
سأعود
ليست هناك تعليقات:
إرسال تعليق