كبير الوجع
كبير الوجع لما الشجر قلبو احترق
وقلوب دوبها الحزن
و أحلامنا صارت ورق
وبنار الحقد والطمع شو حال الورق
والله القلب مع كل شجرة بتحترق
تتقطع نياط القلب
وبتشعر القلب انسرق
والحلم قبلو ومن زمن
والأمل ..
يا حسرتي كل شي انسرق
مش زينة الميلاد شجرة مضوية
ولا رجعت الأعياد عا هاد الشفق
وبيارق واعلام ما نفعت حدا ..
كانت خرق ورح تحترق متل الخرق
هي نار عم تحرق شجر
تحرق حلم ..
لا تفكرو هاد الغسق ..
/غسان منصور ~
ليست هناك تعليقات:
إرسال تعليق