( عشق مجنون ) محكي
عشقتي الغرب
بجنون ونسيتي الفرق
بين المزيّف والأصيل
وقلبك بقي
مغروم بعيون الزرق
ما كان يرضيكي بديل
مرقتي على
دراج الوجع متل البرق
وصرتي متل عابر سبيل
من غير وعي
بجنون سيّحتي العرق
دعستي على خيال القتيل
وصلتي ع مطرح
جمرتو بتحرق حرق
وقعتي بنفق ليلو طويل
ما عاد فيكي
تقفلي باب العشق
تا تعلني وقت الرحيل
ولا عاد فيكي
تفتحي باب الشرق
مفتاح قلبك
ضاع ضيّعتي الدليل
بعز الحكي قطعتي الحكي
ونمتي ع باب المستحيل .
د. عيسى فضة
ليست هناك تعليقات:
إرسال تعليق