دقيت باب الأهل
دقيت باب الأهل
وعالباب طال انتظاري
تمسكت بخيط الأمل
ليبتسم داري
ناديت يا الربع ردوا ياخلاني
جاوبني صدى البيت مافي حدا بداري
نزلت دمعتي وقلت لأسأل جاري
جاوبني الجار طلبهم الباري
قذيفة حقد...استهدفتهم
ويمكن.....إنتحاااااري
كسرت الباب ودخلت
ودمعي على خدي جاري
الورد يبسان....والحيطان حزينة عخلاني
رفعت إيدي للسما
وقلت يارب تنتقم من الخفافيش
كبيرهم خنزير....وأصغرهم من الأخلاق عاري
شوصاير بهالوطن
كنا بأمان....مين يردلي بسمتي
ويردلي اعتباري
الله خلقنا لنعيش الحياة
ليش ليصير الدم للركب ساري
الموت حق....ومامنو مهرب
ولوبكيت ....أبكي على حالي
دخيلك ياربي اسودت أفكاري
دخيلك ياربي ورحمتك ياالباري
تنثر السلام بهالوطن
ويعود الفرح لناسي ورفقتي وجاري
سوريا....ما تستاهل حزن
عافي الوطن ياخالق الكون
بمعافاة الوطن....ينطفي ناري
وسجدت وصليت
وقدمت لأرواح الحبايب
أشد إعتذاري
إذا أرواحهم مهر للوطن
أنا تقبلت الرحيل
ورح إسكن بكل فخر بداري
وبعد ماانتهيت من الدعاء
نظرت يمنة ويسرى
لقيت تفتحت أزهاري
واخضرت دالية العنب
وابتسم داري
محبة الخلان ماتنتسى
ومحبة الوطن لاتباع
ولا تشرى بمصاااري(نبيل م غيبور)
ليست هناك تعليقات:
إرسال تعليق