حب الوالدين
ولدي إيجانوصيك
تبع رضاية والديك
تبع رضاهم يهديك
والديك لاتنساهم
ديما تبع رضاهم
سعادتك مبتغاهم
يحبوك في العلالي
نوصيك يا غزالي
هذا هو إلي في بالي
هذا قانوني و موالي
والديك ارفع قدرهم
الله في كتابو فضلهم
خوذ نصيحة دللهم
تربح في دار الدنيا
تعلى بيتك في الجنة
يكون مقامك رفيع
عليهم ربي وصى
رضايتو برضايتهم
مربوطة عالجميع
يا ويح إلي يعاديهم
و ينقص من مقامهم
ويكثر مالتڨربيع
على والديك ما تعلي
صوتك و ما تتأفف
الوقت يجري سريع
اليوم فأحضانك هما
غدوة في الايام ذكرى
تتلاقى معاهم قدام
المولى الله الشفيع
إلي عاملهم بسياسة
باخلاق عالية و كياسة
يتعدي الصراط رفيع
و إلي عقهم و غضبهم
مسلكو راهو صعيب
مايشفع فيه الحبيب
ألا إذا كان ليهم مطيع
الامضاء
الزاهي الصلحاوي
سليل الاحرار
ليست هناك تعليقات:
إرسال تعليق