محكية غزلية.. للمبدعة إنصاف قرقناوي

محكية غزلية 

سألوني ليش بتحبيه..

معقول غير شكل لقيتيه..

قولي ياللا و احكيلنا عنو..

كيف بغرامك وقعتيه.. 

جاوبتون ببساطه شاطر..

دق الباب قلتلو حاضر..

ما توقعتو يكون مغروم..

تاري هوي من وقتا ناطر.. 

ناطر أعطيه إشاره..

تولع بقلبو ناره..

و بعينيي اغمزلو..

قدام الكل ب الحاره.. 

و ب نهار شفتو مارق..

ب نور وجو شارق..

قلبي وقع من بين ضلوعي..

يسلملي جمالو الرايق.. 

مشيت قدامو شوي شوي..

خيفاني يشتلقو بالحي..

ندهلي و قلي يا حلوي لوين؟؟

حاكينا شي كلمي خطي.. 

نشف ريقي من النطرا..

بلاقي عندك شربة مي؟ 

قلتلو وحياتك لا..

بس اذا بدك كلمة حق..

حبك جمدلي عروقي..

و قلبي بغرامك ولع و دق.. 

و هيدي حكاية غرامي..

حكيتا و الكون سلامي.. 

إنصاف قرقناوي