الحمام
...................
الحيطان مالهاش لسان
صامته بس بتقول كلام
عاللي غايب م الحبايب
كان هنا بيحط حمام
والجيدار زعلان يادار
عالحمام راح فين وطار
كان بييجي يبل ريقي
وصوته كان في الدار عمار
سقف بيتنا. والسلالم
حزنانين. والحزن باين
عالحمام. كان طير مسالم
كان يجيب ورد الجناين
بس غايب فين ياعالم
وسابلي حزن القلب ساكن
في الأراضي. و الأماكن
والحياه بقى لونها داكن
والجماد لابس. الحداد
عالحمام راح فين وراكن
كل ده. ويا الحيطان
صمت بس بيقول بيان
والسؤال نفس السؤال
الحمام راح حط فين
حلم ده والا. خيال
والنهار بيفوت وليل
عالغياب والغلب طال
دالحمام طيب. جميل
وفي الحنان مالوش مثيل
والحمام حب. وسلام
وفي القلوب مالوش بديل
........................
الحاج هلال في
الحمام
ليست هناك تعليقات:
إرسال تعليق