( خطوط الحمر ) شعر محكي
شفافك حبيبي
تجاوزوا خطوط الحمر
وصلوا ع مطرح
صعب ممنوع المرور
ما بحب تطلع
هيك برّات السطر
وعابر سبيل
تمر من نص الشعور
هدّي اللعب
بالنار ع حدود الخصر
بعدو طريقك
غير سالك للعبور
انطرني ياشاعر
تحت عرزال الصبر
من خيوط
شعرك فصّلت فستان نور
خلّي الغزل
موقوف ببيوت الشعر
وقبل الحكي
ما يصير شاهد زور
احبسني بقصيدة
واقفل عليي بزهر
رح إشرب
من حروفها نبيد الحياة
وبسكر معك
وبنام ما بين السطور . د. عيسى فضة
ليست هناك تعليقات:
إرسال تعليق