العمل… .و إلى بعض أرباب العمل
-------------------------------------------
العمل…
-----------
العمل مبدا و مكسب و إحسان
و تقوى و مصالح في لها برهان
حِب شو ما تعمل ان عندك عَمَل
منشان تعمل الإنت بتحبو كمان
إعمل و إزرع قمح لما يكتمل
بتحصد قمح بالعمل ما بتحصد زوان
و لما بتعمل خير خَبّـي عا أمل
خيرك يفيد و ينتشر في كل آن
بتعمل لوحدك غير لو كان اشتمل
مع ناس جنبك. زاد نفع و إتزان
إعمل بزأرة أسد لا تكون الحمل
و يستغلك شخص ما بيرحم جبان
*****************************
إلى بعض أصحاب العمل ..
---------------------------------
إياك تظلم عامل و تظلم أجير
و تظن حالك صاير عليهم أمير
صاحب عمل خليك متواضع كتير
تصرف بحكمة عالِـم و نخوة فقير
إياك تظلم حدا و تقرر مصير
موظف حسب أهواءك و تشخر شخير
المظلوم في ربّو أكيدي بيستجير
و يا ويل ويلك من غضب الله الكبير
لولا تفاني موظفينك يا مدير
ما كِبِر مشروعك كِنت باقي صغير
و لا كان عندك فيللا ومالك وفير
و سيارتك في سِعِرها بتنقذ أسير
و تا ما يقولو الناس عنك مفتري
إياك تظلم عامل و تظلم أجير
الشاعر… د.علي مسلم عجمي
لبنان
ليست هناك تعليقات:
إرسال تعليق