يا اللي انت
غاوي الكتابة
والرسم بالكلمات
وف عشقها
مغرم صبابة
ومطوع الملكات
وربة الشعر حاضرا
ومعاها م الكرامات
يا اللي انت ناوي
بصحيح
وبتداعبك الأفكار
هز المشاعر هز
تساقط الأشعار
واكتب عامي وفصيح
تجني كتير أسرار
وثورتك تصحيح
وعافر التيار
ابدر حروفك غناوي
وارمي شباكك غزل
وسامر كل اللي غاوي
واللي مالوش يعتزل
غازل بسن القلم
وداعب الأنهار
وازرع ورودك سطور
شذاها لحن ونغم
وصداها وسع النهار
ترصد حروف من نور
بتلالي علي الشاطين
وتزين الأنوار
وافرد ع البساط شعرك
وشد ع الأوتار
وسمعنا عظيم لحنك
يا زارع الأشعار
بقلم / فتحى نجم المنصورة
أغسطس 2020
ليست هناك تعليقات:
إرسال تعليق