نزولا عند رغبة بعض قرائي واصدقائي سأنشر هذه القصيدة تكريما لارواح شهداء بيروت الذين هم بطبيعة الحال شهداء لبنان والعالم العربي لا بل العالم باسره:
اغتالوكي ليش يا بيروت قولي
وانتي بعدك بسن الطفولي
ورغم الشبشبي ضهرك تحردب
وجسمك صار مايل للكهولي
يا بيروت يا عقد المدهب
عا رقبة ارزة الرب المهولي
يا ام اللي بعطاها ما بتنضب
وولدت نسلها وبقيت بتولي
الفيكي استشهدو بالنفس مارب
الهم ما يسيبوكي بسهولي
ماتو بببتك الغالي المادب
وبموتن سجلو أعظم بطولي
وبجنة ربنا الهم تاهب
شهدا بلادنا الحرة الرسولي
ورفعوهم على جناحن تا يقرب
موكبهم من العرش الاصولي
انا اللي ببيتك ربيت وتكسب
عقلي بمعهدك علم ورجولي
تا استشهد على ارضك وأذهب
لجنة ربنا بدي بارضك
لجسمي مدفن على قياس طولي
بقلم يوسف الدباك جعجع - لبنان
ليست هناك تعليقات:
إرسال تعليق